Kryeministri i vendit, Ramush Haradinaj ka thënë se dinamika e shtuar në qeverisje ka intensifikuar edhe zbatimin e agjendës së reformave evropiane.

Tutje Haradinaj tha se falë angazhimit serioz të institucioneve janë finalizuar prioritetet kyçe të ERA1.

Këto komente Haradinaj i bëri në takimin e rregullt të Këshillit Ministror Europian.

Postimi i plotë:

Dinamika e shtuar në qeverisje ka intensifikuar edhe zbatimin e agjendës së reformave europiane. Falë angazhimit serioz të institucioneve janë finalizuar prioritetet kyçe të ERA1. Me pakon e ligjeve që fuqizon reformën në drejtësi, dhe atë të Reformës së Administratës Publike, është vendosur themeli rregullativ i funksionimit të shtetit. Në takimin e rregullt të Këshillit Ministror për Integrim Europian kërkova ndërveprim institucional dhe dinamikë të shtuar implementuese të kritereve, që etapa e dytë e Agjendës së Reformës Europiane (ERA) të përmbushet në afat optimal.

RH